品牌MONCLER今日於尖沙嘴海港城舉行旗艦店開幕活動，仲講請嚟韓國男團EXO成員世勛到場，佢企足一分鐘畀大家影相，而現場粉絲隨即尖叫，不過世勛逗留五分鐘後離開。
今日嚟到嘅嘉賓仲有大陸女星孫儷，佢話今日見到杏兒覺得對方超強，仲讚對方恢復得快，又話：「自己生完仔坐完月都冇咁快敢出嚟見人。」問到佢哋有冇交流湊仔經，孫儷話：「不用啦，網上那麼多專頁，可以看到，重要的是享受做媽媽。」佢透露早幾日同囝囝、老公去上海迪士尼慶祝生日，佢話：「小朋友對父母的安排很滿意，還有相機有很多親親的照片，直到小朋友不再讓父母親。」而細女見到照片好開心，仲問生日會點同佢慶祝。講到一對仔女，孫儷仲話：「哥哥照顧妹妹，雖然一起有時打打鬧鬧，但好開心一齊長大。」
 攝影：林賓尼 |  大陸女星孫儷現身MONCLER旗艦店開幕活動。 |  孫儷大讚杏兒超強，仲讚對方恢復得快。 |
 韓國男團EXO成員世勛亦有現身。 |  |
