陳敏之今日喺銅鑼灣利舞臺，為佢嘅曲奇餅店pop up store親自現身宣傳，喺附近出席另一活動嘅黃長興亦特登過嚟支持，敏之話：「嚟緊都有開分店嘅打算，預計出年係港島區物色緊舖位，但係開鋪要計算好多成本，始終租金好貴。」
講到黃長興特登嚟支持，敏之話：「好感動，自己經常幫襯佢餐廳十足飯堂咁，本身都約咗下個星期去佢度食飯。」咁好朋友，日後大家嘅仔女可以對親家？佢哋笑言：「都可以㗎。」
講到現在播出緊嘅《溏心風暴3》收視麻麻，有份演出嘅敏之話：「呢啲嘢我冇留意，淨係睇國內嘅點擊率唔錯。其實依家平均收視都冇以前咁高，始終大家睇電視有好多途徑，有時會經MyTV重溫，但好開心國內點擊率唔錯。」
問到會唔會再拍劇？敏之話：「可能出年先，始終依家都專心湊仔，呢個時間佢成長階段，唔想錯過，好希望可以拍劇同照顧小朋友之間攞到個平衡。」
 敏之話佢暫時都唔會拍劇住，要金睛火眼湊仔先。 |  敏之宣傳曲奇，喺附近出席另一活動嘅黃長興亦特登過嚟支持。 |  |
 敏之係老闆，俾多兩錢肉緊係正常嘅。 |  |  唔講唔知佢叫「倔雷搥」。 (《溏心3》劇照) |
 |
