又一例子證明！世上沒有醜女人，只有懶女人～中國女排前重炮手成功減肥，判若兩人！
有「大梅」、「郎平第二」之稱嘅中國女排前成員王一梅，靠住出眾實力曾經係國家隊嘅得分重炮手。惟1.9米身高及健碩體格常常成為別人笑柄，近年佢積極減磅及改變形象，獲網民大讚「大梅」變「美梅」！
以「高頭大馬」身形現身排球場，以快速發球及扣殺兇狠見稱，令對手聞風喪膽。
身為國家得分重炮手嘅王一梅，份量當然有返咁上下，身高190cm，體重90kg，絕對係重量級選手！
球場上需要嘅體能同運動量都好大，所以王一梅總係忍唔住運動後大吃特吃。
早前有中國記者多方打探，終於得知王一梅減肥成功嘅秘訣–與零食同肥肉絕緣！
教練間唔中會去大梅房間檢查，雖然郴州集訓時自己一間房，但佢都成功忍口冇偷食。
中國女排領隊李全強表示：「不吃零食，但飯還是讓她正常吃，畢竟平時訓練量挺大的。只是肥肉、油大的蔬菜還是不讓她吃。她吃飯時，教練會在旁邊監督。」
從王一梅微博可見，開始瘦身計劃兩個月後佢身形己經細咗半個碼，部份網友直情話估唔到佢咁有潛力做靚女添！
退出排球隊後，王一梅亦開始作唔同類型嘅打扮，穿搭行為都女性化咗唔少，偶爾仲會化下妝。
雖然仲係有啲肉地，但望落同以前判若兩人！
當然仲要繼續堅持運動同控制飲食啦！
各位減肥中嘅姐妹，加油啊！
