【同盟】Final Boss點只一個 最終大佬原來真系佢？
【同盟】Final Boss點只一個 最終大佬原來真系佢？
在昨日晚上的《同盟》，人人都估不到Rainman身份是江美儀飾演的金天，不過這個Rainman原來並不是孤身一人，幕後還有一個終極大佬，真是教觀眾看不透。就在昨晚那集播放完畢後，美儀姐都立即開Live跟粉絲們傾嚇劇情，當有人問她究竟系咪還有最終Final Boss的時候，美儀姐就略帶尷尬咁話：「唔知喎，真系唔講得架。」咦，咁隱晦，唔通仲有玄機？
前幾日，《同盟》做宣傳的時候，就邀請了六位演員出現等人估嚇誰是Big Boss，分別有梁舜燕、羅樂林、歐瑞偉、江美儀、林子善和張國強。美儀姐已經率先成為Rainman，不過相信仲有一位Final Boss在背後，根據該劇監製文偉鴻在微博所講：「少年太年輕了！仲有排估！」連MyTV Super的宣傳海報都說：「Rainman點只一個咁簡單」睇嚟真系仲有下文喎！
《同盟》下星期三大結局了。（梁碧玲攝）
大家快啲一齊估嚇系邊個。(梁碧玲攝)
Final Boss仲未出現。（網上圖片）
問題就嚟喇，咁究竟邊個先系最終Final Boss呢？有不少網民指出是歐瑞偉飾演的易先生，因為在《城寨英雄》他也是Final Boss，不過根據消息，林子善飾演的令家名將會同金天合作對付鮑起靜飾演的令熊。而陳展鵬飾演的高子傑將會因為錢而同金天合作，更加會刺死陳山聰飾演的令千佑，不過原來佢哋只系扮反目，目的就系要反利用金天，之後唔使講都知道系佢兩兄弟夾手夾腳搞掂金天。其實正如之前的報導一樣，很大機會依然是林子善，除了因為海報剪影之外，其實睇片頭曲都好明示佢系Final Boss，加上他又將會掉轉槍頭打自己人，大家終於唔使估來估去喇！
仲有三日就大結局，大家點睇？（網上圖片）
---------------------------------
