1.幾錢個鐘 2.時間任自己選擇 3.係咪4個鐘有一餐食
1.$32.5開波。跟手同你講話過咗試用期會加人工
查實坤鳩你，我做咗成年都未撚加個一蚊
2.睇你遇到咩經理，我之前做嗰間啲經理俾我哋自己揀鐘隨便交。睇你遇到咩人
3.係，做夠四個鐘比一餐你，放半個鐘，嗰半個鐘唔計人工嘅，我做嗰陣有＄30俾我哋食，但係要散叫，冇得叫餐
-------------------------------
D女係咪任經理食？
唔清楚，不過成日見後生，成日一齊去經理房,除衫..成日都叫到好大聲..係咁撞度門
------------------------------
係咪就咁walk in見工 就ok?
10間有8間都唔夠人用，多數walk in都請
--------------------------
除左個$30 quota之外 你地唔可以自己酙杯野飲/整個包食既咩？ 我成日見我個度間m記d員工食野飲野
其實如果跟公司規矩的話，員工淨係比你飲水，食野只係放飯嗰30蚊quotas ,如果你想另外再食，多數都自己磅水
但常的話，你一杯兩杯基本上係冇人理你嘅，除非個經理好(通常係店長啲仆街)跟規矩或者人地恰你就諗都唔洗諗
包的話都係似上面，小弟試過自己砌海陸空包，隨便你玩
----------------------------
點解唔搵其他工 m記人工咁低
其實嗰陣係讀緊書做，志在同班fd返去玩，hea鐘。冇咩點理人工
--------------------------
D 經理 人工係咪高好多 ？
有時見佢地都要落手做 有無間房仔坐
正常經理人工一定高過組員
之前聽過PT經理有42.5一粒鐘(30蚊最低時薪嗰陣)
會有間房仔坐，但係好撚細間。
-----------------------------
係咪成日有得偷食薯條?
係，不過做耐左聞到陣味好撚想嘔
-----------------------------
做廚房? 豬柳蛋塊豬柳係咩豬柳黎?咁大塊既 我係百佳個d又唔見有
唔清楚，豬柳箱嘅牌子都係M記，應該自己出
百佳嗰啲, 唔細塊又點氹你買多幾包？
-------------------------------
其實職員係咪可以俾大雞醬個客？點解有D分店既職員會俾、有D又話唔可以俾既？
我嗰間係會比，之前去個第二間佢話衛生問題話唔比，呢啲應該間間唔同
------------------------------
有冇見過30-40歲既男人做CREW?
紅牌幾錢人工?
係咪旅行就一定石澳?
好多3.40歲大叔多數做經理，crew反而少
紅牌人工唔會多白牌好多，可能多一兩蚊，但工作量就屌你老母係咁加(聽紅牌人講)
-------------------------------
豬柳強包加多塊芝士加幾錢？
加多個豬柳強嘅價錢，買多個包搣塊芝士出黎加入去
記憶中冇得咁散叫加上去
--------------------------------
點樣做到pt 經理
呢個要升上去，由白牌trainees>crew>黃牌trainer>紅牌leader>經理(仲分左幾級)
PT應該就係咁樣升上去
----------------------------------
點解m記d仆街成日裝薯條都可以夠膽死裝一半 比個客 .
睇手神，我以前裝開就中薯當大薯裝，後尾比腦細店長屌會蝕錢
---------------------------------
脆香雞翼點調味
咩油溫
炸幾內，
點解炸完入邊仲有咁多肉汁
味就唔洗調嘅，佢一早就調好曬
油溫幾百度，確實數字唔清楚
好似炸6分鐘
點知，去問個爐或者隻翼
--------------------------------
頂薪係去到幾多？
紅牌42 barista44 講緊半年前
-------------------------------
有冇伏野多數唔好叫,THX
至尊同三兩唔好叫，通常三兩肉啲包貴啲，冇乜人買
舊肉煎完擺左一輪乾左你都唔想食，通常越多人叫越新鮮
＄23餐通常會冇伏，因為啲材料黎得快去得快，會新鮮啲
------------------------------
入左去做係唔係易D溝女
多唔多機會同同事講野.
女就未必，不過一定識到好多人。
畢竟麥當勞乜人都有。
我見過有人一次過打三份工，翻麥當勞係hea時間
最極端啲嘅例子呢，就有樓上豪宅嘅二世祖落嚟做話打發時間
交流有機會一定會多，因為係入邊做成日要同人溝通
-------------------------------
汽水機入面d汽水出哂
會唔會洗？
傳聞係咪永遠唔會洗 因為入面好dirty
炸薯條同薯餅d油幾耐換一次？
汽水機出曬汽水會換糖漿，唔係永遠唔會洗
不過一個月先會洗一次(24小時鋪頭的話)
油就每日都會過濾一次，油好似一個星期會換一次
------------------------------------
做一個月就辭職得唔得? 點開口?
唔洗辭職，失蹤唔報更就得。
我耐家應該都失左蹤成年未辭職，
食飽飯冇屎屙咪過去玩幾個鐘
利申:報左更下個星期返工
------------------------------------
經理幾錢一個月左右？
店長仲有冇得升？
而家仲有冇得嗌板雞醬？？
點解問人拎茄汁好似殺人全家咁既？
經理都分左幾級，多數由皮幾到最勁兩皮。
店長再升通常就上神檯去寫字樓。
板雞醬唔知
茄汁我又唔覺喎，除非你一次過10包8包咁拎姐
