怪不得沒人懂！Mandy懷孕8個月超苗條！還Fit爆透視裝示人！網民：怪不得那麼疼她啦！
一個B要懷胎十月先生得出，但Mandy佗咗B女十個月都無人發現，直到生埋出嚟有相為證先至曝光。無他，Mandy無時無刻都咁fit，點估到佢有咗啫。
▼Mandy七月影嘅相，個肚應該8個月，但依然係小蠻腰一條
▼Mandy有做大量運動，所以就算大肚都特別瘦過人
▼洗米華張張相都係攬實Mandy咀嘴sweet到爆
據知，Mandy生第三胎嘅消息，佢剩係同英國嘅朋友講過，而洗米華都只向信得過嘅身邊人提過嚇。咁神秘，驚Mandy佗B期間受到騷擾吖嘛。不過就算第三胎走漏消息，都未必個個信啦，事關Mandy九月頭生B，按懷胎十月嘅計法，佢7月出席朋友婚宴時影嘅相，個肚都應該8個月啦，但睇落扁塌塌fit到漏，依然係小蠻腰一條，邊忽似大肚呀？其實Mandy佗第一胎時，佗到7個月都仲係唔見肚架，就算第二胎佗住囝囝去布吉度假，身形纖瘦嘅佢都唔似孕婦，加上Mandy有做大量運動，所以就算大肚都特別瘦過人。
生前唔見肚，生後都無大肚婆腫口腫面嘅現象，澹妝睇落亦精神飽滿。咁天生麗質，難怪洗米華咁冧Mandy啦，次次去親英國孖住去玩，張張相都係攬實咀嘴sweet到爆。
資料來源：nextplus.hk
