ထို့ကြောင့် လုပ်အားပေးလူငယ်အဖွဲ့များအား ရက် (၂၀) လျှင် တစ်ဖွဲ့ လဲလှယ်ဆောင်ရွက်သွားမည် ဖြစ်သော ကြောင့် အဆိုပါ လုပ်အားပေးလူငယ်အဖွဲ့တွင် ပါဝင်ဆောင်ရွက်ပေးနိုင်ရန်အတွက် စိတ်ပါဝင်စားသူ အသက် ၁၈ နှစ် မှ ၃၅ နှစ် အတွင်း လူငယ်များအား ဖိတ်ခေါ်လျှက်ရှိပါသည်။
အဆိုပါအစီအစဉ်တွင် ပါဝင်ကူညီ လုပ်အားပေးလိုသူ ၊ပါဝင်ဆောင်ရွက်လိုသူ လူငယ်များအနေဖြင့် (က)ဦးအောင်ကျော်မိုးဒုတိယ ညွှန်ကြားရေးမှူးချုပ်၊ ၀၉-၈၆၀၁၀၀၃ ၊ ၀၉-၄၂၈၆၀၁၀၀၃ (ခ)ဒေါက်တာ အောင်သူရိန်၊ ဒုတိယ ညွှန်ကြားရေးမှူး၊( ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန) ၀၉-၅၃၃၀၅၂၀၊ (ဂ) ဒေါက်တာ ရဲမြတ်ဦး၊ လက်ထောက်ညွှန်ကြားရေးမှူး၊ လူမှုဝန်ထမ်းဦးစီးဌာန ၀၉-၅၁၀၀၂၅၉ သို့ ဆက်သွယ်နိုင်ကြောင်း ထုတ်ပြန်ထားသည်။
ပါဝင်ဆောင်ရွက်လိုသူ လူငယ်များအနေဖြင့် အသေးစိတ် သိရှိလိုပါက UEHRD-Youth Volunteers Program ( Facebook Page )https://www.facebook.com/UEHRD-Youth-Volunteers-Program-704080086469817/သို့ ၀င်ရောက်ကြည့်ရှုနိုင်သည်။
ရခိုင်ပြည်နယ်အတွင်း လူသားချင်းစာနာမှု အကူအညီ အထောက်အပံ့ပေးရေး၊ ပြန်လည်နေရာချထားရေး ဖွံ့ဖြိုးရေးစီမံကိန်း( UEHRD မှ ဖွဲ့စည်းထားသော လူသားချင်းစာနာထောက်ထားမှုဆိုင်ရာ ညှိနှိုင်းရေးလူငယ် အဖွဲ့(HCYT)မှ စေတနာ့ဝန်ထမ်းလူငယ်များ လုပ်အားပေးအစီအစဉ်ကို စတင်ပြုလုပ်ခြင်း ဖြစ်သည်။
ပြီးခဲ့သည့် နိုဝင်ဘာလ ၂ ရက်က နိုင်ငံတော်၏အတိုင်ပင်ခံပုဂ္ဂိုလ် ရခိုင်ပြည်နယ်ခရီး ရောက်ရှိစဉ် စစ်တွေလေဆိပ်ခန်းမ၌ လူသားချင်းစာနာထောက်ထားမှုဆိုင်ရာညှိနှိုင်းရေး လူငယ်အဖွဲ့ (YHCG)နှင့် တွေ့ဆုံခဲ့သေးပြီး ရခိုင်ပြည်နယ် တည်ငြိမ်အေးချမ်းရေးနှင့်ဖွံ့ဖြိုးရေးလုပ်ငန်းများသည် တစ်ခဏတာလုပ်ရမည် အလုပ်မဟုတ်ဘဲ ရေရှည်ဆောင်ရွက်ရမည့် လုပ်ငန်းစဉ်ဖြစ်သောကြောင့် ဒေသခံများပါဝင်ရန် လိုအပ်ကြောင်း ပြောကြားခဲ့သည်။
ထို့ပြင် နိုင်ငံတော်၏အတိုင်ပင်ခံပုဂ္ဂိုလ်က စေတနာ့ဝန်ထမ်းလူငယ်များသို့ ထောက်ပံ့ရေးပစ္စည်းများအား အမှန်တကယ်လိုအပ်သည့်နေရာများသို့ ရောက်ရှိရန်လိုအပ်ကြောင်းပြောကြားခဲ့ကာ ပစ္စည်း၊ ငွေကြေး ထောက်ပံ့ရာ၌ စာရင်းဇယားစနစ်တကျ ဆောင်ရွက်ထားရန် လိုအပ်ကြောင်း၊ ကျန်းမာရေးဆိုင်ရာ စောင့်ရှောက်မှုများ၊ လုံခြုံရေးဆိုင်ရာကိစ္စရပ်များကို အတတ်နိုင်ဆုံးဆောင်ရွက်ပေးမည်ဟု ပြောကြားခဲ့သည်။
Tags:
