好多人都好鐘意食叉燒，我又點會例外~基本上只要夠味，夠香，夠多汁，有少少焦香就已經好好味架喇~ (其實這些條件都齊的話，應該很考功夫吧~) 我將舊食譜重新煮過及附上新相片，叉燒新食譜連結
愈煮愈好呢~~~
記得小學時，為左貪懶，會買叉燒返屋企炒飯當家人既午餐，又簡單又餵得飽家人既肚~
香港人，好少未食過叉燒，連老外黎香港都鐘意食，叫barbecue pork~
出麵食既叉燒，製作認真既就會用壁爐或者用大焗爐原條枚頭豬肉晾掛入去燒，控制火候及時間，不時轉換方向以其受熱均勻。但係唔好食既叉燒，醃製時間不足，烤焗時加色素及味精，所以切開來時，裡面肉的顏色是白雪雪而外面是紅當當的，當然不好吃。
信唔信自己屋企都可以整得好好食?雖然會花多少少心機，但係材料，準備同步驟都好簡單~
煮好但未切~影相就得~唔會成舊食掛~
好喇~材料準備如下: 2-3人份 (看圖份量，只有兩小塊)1. 枚頭豬肉或豬柳 (我買半肥瘦的枚頭豬肉，約30蚊) 400克2. 薑汁 一小匙3.蜜糖 (有人用麥芽糖，但我用燒烤蜜糖，買錫紙送的~不用浪費~)4. 李錦記叉燒醬 6湯匙5. 雙蒸酒或紹興酒 3湯匙6. 生抽 (light soy sauce) 2湯匙
醃料準備:1. 先將買來的豬肉切成長方條，方便焗完後切。2. 洗淨豬肉，加入叉燒醬，雙蒸酒，薑汁(自己磨或者兩片薑)，生抽拌勻。3. 醃最少3小時或倒入密實袋放入雪櫃醃過夜 (我係懶人，為左快得有得食，只是醃左3小時，但味道超級好)注:醃料份量很重要，關係到焗出來的味道夠不夠味，但今次反而怕太咸，所以生抽一定不可以下得多，不怕死的可以學我將醃料拌勻後試一試味..太鹹的話加少少酒或水吧。做法:1. 將焗爐預熱至200度C2. 將醃好的豬肉連醃汁全部放入焗盤內，用錫箔紙密封好(我自己就包了兩層，防止有空氣進入吸乾汁液)。3. 放焗爐焗40分鐘 (如果份量大的要自己調整時間)4. 之後把錫箔紙拿走，用匙羹把焗汁淋在叉燒上面，將焗爐溫度轉至100度C繼續焗5. 10分鐘後取出反轉另一面，再用匙羹把焗汁淋在叉燒上面，焗10分鐘6. 取出再反轉另一面，淋上焗汁，轉160度C，每5-3分鐘淋上焗汁，大約淋上3次後，直至你會見到焗汁慢慢收乾及汁液開始減少和變稠，而豬肉色澤漸漸變成鮮紅為止。7. 這時候，可以在叉燒表面(正面及背面)均勻地塗上蜜糖，叉燒會慢慢焗到出色，3-5分鐘後再搽一次蜜糖，等到汁變傑及叉燒顏色滿意時，(基本上已經食得，但係為左想有少許邊位燒焦，)，可以將焗爐轉至180度C，搽多一次蜜糖，放入焗爐，留意焗爐內叉燒的變化，見到它邊位有少許燒焦時就可以取出，大約3分鐘。8.取出後留在焗盤內等待叉燒吸收一會肉汁，大約10-15分鐘之後才切,切出來的形態亦會更好9. 而焗盤內的叉燒汁當然是淋上叉燒面及用小碟盛起用來蘸叉燒食!10. 不怕燒多少少叉燒，留來第二天炒蛋或炒飯~
醃好後拿出連醃汁放在焗盤內
用錫箔紙包到密實放入預熱的焗爐內
包住錫箔紙焗40分鐘後取出把錫箔紙拿手的樣子，
之後轉100度C，用匙把焗汁淋在表面再焗10分鐘
取出，反轉另一面，淋上焗汁，再焗10分鐘 (中間我會開蓋取出再淋一次汁)
焗好後不要即刻切~等一會兒切,肉汁才更入味
你會見到最後一次焗時，因為溫度調高及蜜糖的關係,表面會開始燒焦，大約這程度就可以，邊緣少少焦呀，你一不留神就前功盡棄，只可以吃燒炭叉燒了~~所以一定會3-5分鐘看一次及蜜蜜淋汁液~
好味到.....你都唔知道~~~
