鄧健泓(Patrick)今晚喺銅鑼灣搞mini live show，未婚妻石詠莉(Sukie)喺現場助陣，Patrick話已經3年冇喺香港開騷，今次獲HMV邀請，所以應邀出席，加上嚟緊有新歌，今次算係前奏熱吓身，都算係賞心樂事。Patrick話：「我成日覺得Sukie做嘢開騷，我就做呀四，佢唱歌我就更緊張。」Sukie就話心情好緊張，仲話會畀佢做一日皇帝，服待周到。
Patrick主動提到下個月29號嘅婚禮，已經搵到場地，佢話：「已經揀咗喺九展嘅The Glass Pavilion，呢個地方對Sukie嚟講好有意義，佢入行第一次工作喺嗰度，上年佢嘅第一個騷都喺嗰度，係人生大事，個場地好靚，唔太隆重，有外國感覺，會擺21至22圍，親友見證簽吓紙，夜晚食飯。」但係佢哋都笑話冇圈內朋友，仲話唔會搵伴郎伴娘，Patrick話：「做伴郎好辛苦㗎，我做過黎諾懿伴郎，聽講會有伴郎禮物，但到o依家都未收到。」佢哋仲話為咗婚禮，要努力keep fit，Patrick仲好決絕話唔畀Sukie嘅婚紗太性感，相反由佢爆衫爆肌，誓要將Sukie私有化。
 鄧健泓(Patrick)今晚喺銅鑼灣搞mini live show。 |  未婚妻石詠莉(Sukie)喺現場助陣。 |  |
