羅子喬（Bella）帶住超人之母呢個稱號，不停遊走亞洲「揾食」，依家仍然為舞台劇「奧特曼．英雄再現」巡迴演出做準備，事關遲啲喺台灣同大陸仲要演出，而佢為鍛鍊自己體能亦開始跳空中舞，仲成功減咗10磅肉添！
瘦身有成績，Bella即刻向網民同朋友派福利，今日就分別喺facebook同朋友圈放咗幾張旅行相，着住白色三點式泳衣的她，擺晒甫士坐喺海邊，大騷纖腰同「Big爆」上圍，吸引唔少網民留下心心眼，另外又有高炒嘟嘴相，同埋著住三點式，腿張開坐喺單車上嘅相，真係好鬼誘人。
Bella喺facebook留言話：「最近的訓練課程慢慢步上軌道，辛苦了好些日子，終於能短暫休息充電一下，吹吹海風愜意的曬曬太陽。 喜歡這裡，也分享給你們。」《蘋果》揾過Bella，原來佢趁有個小假期，去咗馬爾代夫休息兼充電，佢話：「自己分配時間都ok嘅，因為唔俾自己放鬆一下，都會影響做嘢嘅情緒，不過我玩完又會好快收拾到心情。」
 |  Bella成功減咗10磅 |  |
 擺晒甫士坐喺海邊 |  |  |
