韓劇《咖啡王子》嘅33歲女星尹恩惠，前年演出大陸綜藝節目《女神新裝》涉嫌抄衫後形象勁插水，遭韓國網民炮轟。近日尹恩惠回歸韓國演藝圈，演出節目《需要對話的狗貓》，更首次公開豪宅嚟吸引外界目光。
不過於節目中，當尹恩惠被問及涉嫌抄衫一事時佢就拒絕回答，引來更多不滿，網民留言「尹恩惠早啲退出節目」、「呢個節目唔會紅」等。
而涉抄衫風波過咗兩年，尹恩惠所屬事務所噚日先回應事件，表示當時完全係事務所疏忽先導致事情發生，今後事務所將格外注意，亦希望廣大觀眾可以支持尹恩惠復出。
 尹恩惠於節目中公開豪宅 |  |  網民留言勸尹恩惠退出節目 |
 |
