TVB劇集《再創世紀》今日拍攝舞會場面，郭晉安、林文龍、周麗淇同袁偉豪等等，盛裝現身去到一間酒店拍攝。今次郭晉安會飾演香港首富，佢仲話喺現實佢係一對仔女心目中嘅首富。
今年嘅聖誕，郭晉安就話會同屋企人一齊去日本過，過一個白色聖誕，佢仲話之前同屋企人去旅行，都係揀啲熱帶地方，今年係第一次去凍嘅地方過聖誕，仲話農曆新年會去加拿大登台搵錢，不過因為時間太趕，所以唔會同屋企人一齊去。
周麗淇已經有4年冇喺香港拍劇，今次喺《再創世紀》入面，佢會演一個商界精英，同郭晉安、林文龍、袁偉豪有唔少對手戲，佢仲話套劇嘅拍攝已經去到尾聲，套劇仲會去到深圳同布拉格等地取景，同以往拍嘅劇集好唔同。
 |  郭晉安就話會同屋企人一齊去日本過 |  |
 周麗淇已經有4年冇喺香港拍劇 |  |  |
 |  |
