陀B感覺好幸福 高海寧：真係好恨做媽媽

2017-11-23

「很想當媽媽......」今日高海寧(高Ling)同李佳芯都做咗媽媽喇！佢哋今日同黎諾懿、黃長興等人，齊為大台新劇《BB來了》試造型。

高Ling同李佳芯裝上假肚現身，高Ling就好坦白咁話自己真係好恨做媽媽，佢仲話因為個假孕肚係度身訂造，有一定重量，所以拍攝跑街戲份，都真係有啲腰痛。高Ling仲笑話o依家好似真係懷孕咁，感覺好幸福。「陀B」時，更便高Ling勾起以前要幫阿媽照顧細佬回憶，佢仲話當時嘅夢想就係做幼稚園老師，覺得小孩子嘅世界好簡單，亦覺得自己同小朋友有特別嘅聯繫。除咗陀B，高Ling仲為咗角色去學習調酒，能夠調配一杯飲料好有成功感，亦有興趣繼續學調酒。

此外，有指岑麗香因為有喜，所以先改由李佳芯接演呢套劇，李佳芯就話台慶當晚見過香香，見佢健步如飛，一啲都唔似大肚。而李佳芯就話自己係執二攤，本身係覺得角色有挑戰性先接演。