蔡卓妍(阿Sa)今年4月公開承認再次墮入愛河，同「麻將館大王」太子爺石恆聰（Anthony）拍拖，當時阿Sa出席活動時，回應新戀情就講足5次好開心( 新聞連結：http://bit.ly/2ApaBPQ)。


噚日就係阿Sa嘅35歲生日，不過佢夜晚唔係同男友Anthony過二人世界喎，反而約咗公司嘅兄弟姊妹慶祝，容祖兒、鍾欣潼(阿嬌)、鄭希怡、周麗淇、關智斌、張敬軒、謝霆鋒等都有出席阿Sa BB嘅生日會，連老闆楊受成都帶老婆出席，見到阿Sa都不知幾開心，笑到見牙唔見眼，仲開心到逐個咀啲好姊妹。


而祖兒就喺Ig上載咗短片同相，見到佢同阿Sa親嘴之餘，仲留言話：「正菜妍生日快樂！好朋友不用多說，只要你每天順心，要甚麼有甚麼，便已足夠。」而Mani亦貼咗好多相喺佢嘅微博，寫道：「我的Sa Sa希望你永遠快樂，愛你的人永遠愛你，你愛的人也永遠愛你。」


之但係咁多相都搵唔到阿Sa男友Anthony嘅影蹤，唔知係佢唔想出鏡吖，定係佢哋兩個再有一個二人世界嘅生日會呢！？



阿Sa噚日35歲生日，相約公司嘅同事、朋友一齊慶祝。(互聯網圖片)老闆楊受成都有出席。(互聯網圖片)你睇阿Sa笑得幾開心。(互聯網圖片)
(互聯網圖片)(互聯網圖片)樂壇「龍虎豹」容祖兒、蔡卓妍（阿Sa）和鍾欣潼（阿嬌）(互聯網圖片)
(互聯網圖片)(互聯網圖片)(互聯網圖片)
(互聯網圖片)(互聯網圖片)張敬軒同關智斌亦有出席生日派對。(互聯網圖片)