董敏莉（Monie）、KellyJackie、龍小菌同女子組合Bingo等今日到荔枝角出席一間時裝店開張活動，後日37歲生日嘅Monie，就話噚晚已經同老公撐枱腳慶祝，正日會同家人食飯打邊爐，問到老公擅唔擅長製造驚喜？佢話：「最大驚喜就係冇驚喜，以前我鍾意收扮靚禮物，人大咗，今年想收到電子產品，因為成日要繪圖。」嚟緊聖誕節佢計劃為單身女同性戀者搞認識派對，佢指女同性戀者較被動同甚少渠道互相認識，希望活動有助她們圈子。
仍然單身嘅KellyJackie就話聖誕節已有不同朋友相約聚會，至於好姊妹吳若希就約好咗一齊除夕倒數，佢仲話好期待好姊妹會有好（男仔）介紹。KellyJackie話o依家忙緊為新晉導演微電影比賽作準備:「已經第三年合作，每年新晉導演都會用我一首歌作主題去創作故事去拍，每次都有驚喜。」
 董敏莉後日37歲生日，佢話已經同老公食飯慶祝。 |  KellyJackie話聖誕節已有不同朋友相約聚會。 |  董敏莉、KellyJackie、龍小菌等今日到荔枝角出席一間時裝店開張活動。 |
