今年19歲嘅巨胸翠如鄧月平(Larine)，即使舊年喺ViuTV選美中落敗，但憑住35F嘅威力加上青春無敵，工作依然接到手軟。


野心同心口一樣咁大嘅佢，上年踩入影圈拍賀歲片《小男人週記3之吾家有喜》，嚟緊拍住鄧麗欣嘅新戲《起底組》又就快上，不過原來Larine唔淨止對拍戲有興趣，最近仲出埋處女歌「女神經」，涉獵樂壇。


日前晚上約7點，《蘋果》就見到Larine喺銅鑼灣人流最旺嘅時代廣場街頭表演唱歌。記者所見，現場最初有幾個後生仔jam歌，Larine原本只係企旁邊聽歌，後來中途加入就唱咗自己首《女神經》，之後再同人合唱！


由於正值晚飯時間，現場人群越聚越多，更有唔少龍友自備長短鏡「嚴陣以待」。話晒都叫初試啼聲，緊張啲都在所難免，初時Larine未開聲，高低音未拿捏得準，但之後唱番順聲線亦有所改善。而佢同現場觀眾都有交流，唱完兩首歌就同觀眾傾幾句互動下。事後Larine就話自己平時唱歌冇問題，不過因為感冒未清，聲沙沙有啲失準。


不過無論Larine唱成點，現場一班龍友嘅心思，睇嚟都志不在此。



(攝影﹕徐錦池、畢紹基)Larine原本只係企旁邊聽歌，後來就加入同幾個後生仔一齊jam歌。
Larine原本着住外套，但唱唱吓覺得有啲熱，就索性除。初時Larine未開聲，高低音未拿捏得準，但之後唱番順聲線亦有所改善。
吸引越嚟越多途人圍觀。