郭晶晶、苟芸慧、黄金寶同劉鳴煒等今朝到迪士尼樂園度假區參加《聯合國兒童基金會慈善跑2017》，今屆慈善跑預計籌得1100萬。
晶晶跟老公霍啟剛及四歲大仔中曦參與親子跑，起跑前，啟剛同大仔在場邊耍玩兼做熱身，中曦雖然都有打喊露，但一起跑仔仔都表現得好精神，拖住爸爸媽媽，連晶晶都唔夠仔仔跑得快。每逢周未時間，晶晶都會帶小朋友到戶外親親大自然，嚟緊聖誕節將會一家四口去旅行，原來半歲多嘅細囡中妍已經唔係第一次外遊。
近年大陸有不少親子真人騷節目，問佢有冇興趣參與？晶晶話:「沒想吧，在香港小朋友上學很重要，平日他已經很忙。」明年將準備為大仔報讀小學，晶晶坦言心情也有緊張，問到佢係唔係怪獸家長？晶晶無奈咁講：「我不想當，但環境不可以避免，要做一些準備。」
接受咗三個月訓練嘅苟芸慧首次參與十公里跑，佢表示會盡力完成賽事，幸好天氣清爽加上不限時間，所以跑起嚟冇壓力，問到將來會否想參與親子跑？佢話:「將來有機會都想一齊參與，一來健康，二來為慈善，可以發放正面能量畀社會。」今年聖誕將會留港，原因家人會來港慶祝，問到是否順便傾談結婚細節？佢甜笑話:「ok ok，你哋話事啦。」
 喺場邊同Daddy玩吓。 |  |  晶晶同啟剛對仔仔都好呵護。 |
 晶晶話唔會參加大陸親子騷，認為學業要緊。 |  苟芸慧練習咗3個月，充滿自信。 |  提起聖誕傾婚事，苟芸慧即做OK手勢話﹕「你哋話事。」 |
 劉鳴偉都有參加。 |  黄金寶帶埋仔仔一齊參加親子跑。 |
