陳嘉寶(Anjaylia)同黃頌祈今日喺洲際擺酒， 好友陳凱琳做姊妹，男友鄭嘉穎夜晚去飲，陳凱琳喺門口接男友，跟住兩個人十指緊扣，但佢哋隻手就放喺身後。
在場記者叫佢哋攞番對手出嚟，陳凱琳表現尷尬咁挨咗個頭落男友膊頭度，問嘉穎係咪嚟婚宴取經，佢話：「今日嚟助慶，朋友結婚，好恭喜對方，今朝Grace好似凌晨4點起身。」
女朋友仔咁早起身係咪好肉赤？嘉穎笑一笑咁話：「唔係，朋友結婚，能夠幫到手係一個榮幸，祝一對新人白頭到老，永結同心，三年抱兩。」
去婚宴怕唔怕俾人追問婚期時，嘉穎話：「呢啲唔係我哋今日講，關乜嘢事呢，不過我對呢啲嘢好有經驗啦，因為媽咪好多年前已經問我，我次次答佢未知，知就話你知。」而送禮方面就話做人情最實際。
 |  (攝影：陳俊強) |  陳凱琳一早喺門口等男友 |
 一見男友嘉穎，即拖實。 |
