朱千雪今晚喺九龍灣MegaBox為聖誕卡通城堡進行亮燈儀式，拖住小聖誕女郎圍繞佈置影相，小女郎仲送上香吻俾朱千雪，真係so sweet，朱千雪又同粉絲近距離合照。


朱千雪今個聖誕會返加拿大同屋企人一齊過，但男友唔會同行，佢仲諗緊要自製聖誕禮物，定係買禮物俾男朋友。有人提議朱千雪可以親自下廚煮愛心餐，朱千雪話：「我諗我喺出面買禮物應該會好過自己煮餐飯，我未去到地獄廚神，但唔係好，無謂要人哋勉強話好食啦，之前我哋試過一齊煮嘢食，佢煮嘢好叻，無謂比下去啦。」咁可以同男友學番兩招喎？朱千雪話：「希望男朋友可以學多啲菜式煮畀我食，佢對煮食好有天份，佢整聖誕大餐好叻，可以一個人handle。」


攝影：林賓尼朱千雪為商場聖誕亮燈嘉賓。
小女孩錫咗啖。