商台「叱咤樂壇流行榜頒獎典禮」今年主題係「叱咤卅 為明日回憶」，打頭陣嘅宣傳片搵咗劇集《天與地》組合陳豪、林保怡、黃德斌喺天台重聚。當年佢哋喺2012年以《年少無知》大熱姿態奪得2012年度叱咤頒獎禮「叱咤樂壇我最喜愛的歌曲大獎」。拍攝當日佢哋三個喺天台重演《天與地》大結局「黑仔、鼓佬、Ronnie天台夾Band」經典一幕。
一開始陳豪仲用今期流行嘅「hehe」電眼對住鏡頭一閃，然後一齊喺天台用平板電腦重溫當年攞獎嘅片段，手上面仲拎住商台度身訂造當年3D版嘅叱咤舞台，陳豪話：「咁大個大獎，唔覺意就畀我哋攞咗，(國語) 真有你的！」最後，佢哋拋下《天與地》金句作結：「咁多年來，係獅子山冇變過！」
 |  （左起）陳豪、黃德斌、林保怡為拍宣傳片再聚頭 |  3個band佬仲玩自拍 |
