台慶劇《降魔的》噚晚大結局，到咗最後一節先出動支降魔槍，結尾又玩open ending疑似豪仔出場，故事完咗又似未完，如果要拍第二季都仲有大把故仔講。
馬國明、黃智雯、謝雪心同譚嘉儀噚晚出席大結局飯局，馬明話有冇得添食要睇監製，唔少角色死咗但仍然有發展空間。黃智雯就叫馬明露兩點多謝網民支持。
講到之後喺台慶頒獎禮爭視帝，馬明話隨緣，今年唔只得王浩信一個對手，自己都係做番演員本份。佢又話《降魔的》唔係用好多錢拍嘅大製作，只係咁啱延期播先成為台慶劇，有口碑已經好開心。
 噚日先正式出場嘅降魔槍，出現無耐就大結局。（電視圖片） |  （電視圖片） |  （電視圖片） |
 馬明喺大結局飯局話添食要睇監製。 |  |
