又係因為合拍嘅關係，台慶劇《溏心風暴3》嘅大陸觀眾又可以率先睇，不過多得今次安排，終於可以睇到一啲絕密片段。喺呢套劇裏面，艷福無邊嘅黃宗澤，身邊女伴o氹o氹轉，喺頭10集見到唐貝詩有三點式泳衣、陳婉衡會着住勁deep v去買衫，遲啲仲會同鄭希怡（Yumiko）有床上戲，但係無綫出咗「禁奶令」，女藝人出席活動不能性感，甚至連劇集亦逃唔過呢個命運（新聞連結：http://bit.ly/2ju3Pkj），未拍嘅要改，拍咗嘅都要刪，全部晒做潔淨版。


另一場係陳敏之同唐文龍呢段畸戀，因為公司上市嘅關係，敏之走咗去返學，俾佢喺學校遇到做講師嘅唐文龍，唔使多講，劇情梗係話唐文龍一邊話自己有一個幸福嘅家庭，但係一邊又俾敏之吸引咗，因為英雄救美而撻着，結果梗係悲劇收場。


王浩信同岑麗香呢一對，最初係大家都係維持住朋友關係，努力磨合兩家人嘅唔協調，王浩信嘅角色有啲似渠頭同saving嘅混合體，所以喺頭段暫時都好平靜，未見愛到天崩地裂嘅場面出現。

(網上截圖)陳婉衡(網上截圖)唐貝詩(網上截圖)
(網上截圖)黃宗澤好有艷福喎！(網上截圖)同黃翠如又有床戲！(網上截圖)
唐文龍同陳敏之有咀戲。(網上截圖)(網上截圖)(網上截圖)
(網上截圖)