世紀經典《鐵達尼號》（Titanic）今年上映20周年，兩位主角里安納度狄卡比奧（Leonardo DiCaprio）同琦溫絲莉（Kate Winslet）之前仲出席慈善活動慶祝，最近導演占士金馬倫（James Cameron）受訪，就被問到一個影迷想知好耐嘅問題：點解Jack唔同Rose一齊上浮木（其實係門）？如果佢有上去，就唔會凍死。
估唔到大導真係好有心機解答：「個答案好簡單，因為劇本第147頁寫住Jack死咗……好明顯，呢個係一個美學選擇，舊嘢（木門）只係啱啱夠載住Rose，載唔埋Jack……我覺得真係好傻，20年後我哋仲討論緊呢個問題。但呢樣嘢都反映到套戲成功令Jack廣受觀眾愛戴，因為Jack死令佢哋好傷心。」大導仲話：「呢套戲係關於死亡同分離，所以佢要死。所以不論係咁，定一個火堆跌落佢度，佢都要死，呢個係藝術，事情發生係有藝術原因，唔係物理原因。」



點解Jack唔同Rose一齊上浮木呢？最後搞到Jack凍死！
占士金馬倫終於親自解答呢條問題。