咩為之夫妻呢？有人話係可以同甘共苦嘅，咁去到一件衫兩份着嗰啲，會唔會係好感情一啲嘅？


話說諸葛紫岐早前喺微博貼相，先係兩張佢自己着住粉紅色長身冷衫嘅相，佢仲舉晒V字手勢，好開心咁，點知跟住嗰張相，係佢老公薛嘉麟着住同一件衫！冇錯，係同一件粉紅色長身冷衫，薛嘉麟着住嗰件冷衫，再擺出一個有啲man嘅功夫敬禮pose，因為個背景同諸葛紫岐上一張相一樣，所以相信係老婆着完到老公着。


對於老公着自己件衫，日前諸葛紫岐出席公開場合時直認老公近來啲喜好好古怪，但只要唔太過份都會接受。


又係嘅，大不了係易服癖啫，咁諸葛紫岐就可以再明正言順一啲去shopping買衫，起碼「一衫兩着」，感覺上抵好多…（好似係）



（諸葛紫岐微博圖片）薛嘉麟着咗老婆件衫，仲擺晒pose影相。（諸葛紫岐微博圖片）睇嚟 諸葛紫岐唔多介意老公嘅行為（諸葛紫岐微博圖片）
（諸葛紫岐微博圖片）