古天樂今日去又一城為商場主持聖誕亮燈儀式，佢出場嘅時候，大會安排外籍舞蹈團表演大腿舞，啲舞蹈員仲繑住佢跳大腿舞時，佢表現得相當尷尬。喺活動上大會又安排佢即場施展魔術，令現場觀眾送上驚喜。
古仔接受訪問時，話原本想帶父母歐遊過白色聖誕，但佢冇諗到父母已有約，佢話：「咁大個人都試未過過白色聖誕，但噚日先知阿爸同阿媽聖誕約晒人，o依家再度吓啲期，睇吓去唔去得成啦！」
問到佢嘅眼傷同椎間盤骨移位狀況有冇好轉？古仔話：「已經拆線，半年後再覆診，椎間盤骨移位已做咗3次針救同電療，情況有改善，最近拍番打戲時，又好似冇嘢啦！可能真係賤骨頭，唔做唔舒服，又可能郁得多增加血液循環。」
 （攝影：沈健程） |  被女舞蹈員繑住嘅古仔一臉尷尬 |  都只係繑手啫… |
 古仔話原本打算歐遊過白色聖誕，點知父母都唔得閒。 |  佢話會再度吓期… |
