全球影迷都好期待嘅《復仇者聯盟3：無限之戰》（Avengers: Infinity War）今日正式公開第一條預告片，片段中有唔少鏡頭都交代咗各個系列作品中嘅伏筆。


預告片一開始就見到Hulk嘅人類型態班納博士瞓咗喺廢墟之中，周圍嘅頹垣敗瓦似乎就表示住佢係由高空跌落嚟，呢到亦算係交代咗《雷神3》中講過嘅Hulk同班納博士兩個人格交戰可能令班納呢個人類型態消失，《雷神3》嘅結尾佢一直都化身為Hulk戰鬥，就算戰鬥結束同雷神上太空船亦都保持Hulk嘅狀態，不過預告中就未知到底喺太空船嘅佢點解會跌返落地球，預告仲可以見到Ironman套Hulkbuster重裝甲出場，片段中有唔少鏡頭班納同Ironman一齊出現，更有一幕喺班納身後見到Hulkbuster嘅手臂，有可能Hulk可以變返班納係全靠Hulkbuster出手打咗一場。


預告中仲可以見到緋紅女巫同幻視兩個喺《復仇者聯盟2》中出場嘅新角色已經互生情愫，兩人喺漫畫當中係夫妻關係，育有兩子，而漫畫中因為幻視嘅死令緋紅女巫進入暴走狀態，引發一連串事件，今次喺預告當中亦見到幻視被人制服，企圖拎走額頭中嘅心靈無限寶石，意味住幻視於電影中有可能死亡。


除此之外仲可以見到人見人愛嘅蜘蛛仔著上《蜘蛛俠：強勢回歸》片尾中Ironman提供嘅新裝甲，Ironman自己除咗Hulkbuster之外仲有全新嘅Mark 48，雷神全身傷痕咁出現喺銀河守護隊嘅飛船上，美國隊長同黑豹嘅護衛隊一齊出戰，大反派Thanos（滅霸）手套上有本身已經交咗俾收藏家代表力量嘅紫色無限寶石，以及《雷神3》洛基由阿斯嘉寶庫中帶出嚟嘅宇宙魔方，代表空間嘅藍色無限寶石，有可能因為洛基為咗保護阿斯嘉子民而交出，而奇異博士頸上嘅阿戈摩托之眼，即係代表時間嘅綠色無限寶石仲未被拎走，不過就算大反派Thanos仲未集齊六粒無限寶石，喺預告中都打到班英雄落花流水，而一眾英雄對抗Thanos嘅外星生物手下已經要出動士兵，內容咁豐富，難怪今次要分成上下兩集拍攝。


（網上圖片）預告片一開始就見到Hulk嘅人類型態班納博士瞓咗喺廢墟之中。（網上圖片）喺班納身後見到Hulkbuster嘅手臂，有可能Hulk可以變返班納係全靠Hulkbuster出手打咗一場。（網上圖片）
Ironman套Hulkbuster重裝甲出場。（網上圖片）片段中有唔少鏡頭班納同Ironman一齊出現。（網上圖片）（網上圖片）
緋紅女巫同幻視兩個喺《復仇者聯盟2》中出場嘅新角色已經互生情愫。（網上圖片）兩人喺漫畫當中係夫妻關係。（網上圖片）預告當中亦見到幻視被人制服，企圖拎走額頭中嘅心靈無限寶石。（網上圖片）
人見人愛嘅蜘蛛仔著上《蜘蛛俠：強勢回歸》片尾中Ironman提供嘅新裝甲。（網上圖片）（網上圖片）Ironman自己除咗Hulkbuster之外仲有全新嘅Mark 48。（網上圖片）
雷神全身傷痕咁出現喺銀河守護隊嘅飛船上。（網上圖片）銀河守護隊。（網上圖片）大反派Thanos（滅霸）手套上只有兩粒無限寶石，力量同空間寶石。（網上圖片）
《雷神3》洛基由阿斯嘉寶庫中帶出嚟嘅宇宙魔方都係無限寶石。（網上圖片）奇異博士頸上嘅阿戈摩托之眼，即係代表時間嘅綠色無限寶石仲未被拎走。（網上圖片）一眾英雄對抗大量Thanos嘅外星生物手下。（網上圖片）
美國隊長同黑豹嘅護衛隊一齊出戰。（網上圖片）內容咁豐富，難怪今次要分成上下兩集拍攝。（網上圖片）