韓國媒體喺今個月成功訪問咗逾1萬名嘅韓國電影觀眾，進行最具票房號召力演員嘅調查，當中最具號召力嘅男演員冠軍就由去年得主宋康昊奪得(相關新聞連結：http://bit.ly/2juHMGQ)
。
至於最具號召力女演員方面就由出道31年嘅金惠秀奪得，金惠秀去年同樣得冠軍，可見喺韓國觀眾心目中，金惠秀係票房信心保證。而第二位就係比去年上升咗一位嘅孫藝珍，孫藝珍算多產女星，出演嘅作品都大受歡迎，所以成功進佔第二位。第三位就落喺文素利身上，去年文素利十大不入，今年成功登上第三位。
第四位至第八位就分別係全度妍、千玗嬉、羅美蘭、孔孝真、金泰璃。而韓國女神全智賢去年獲亞軍位置，不過佢因為兩年冇新片推出，所以今年就急跌至第九位，第十位就係韓孝珠。
 左起：全智賢、韓孝珠 |  金惠秀冧莊封最具號召力女星 |  |
 左起：孫藝珍、全度妍及文素利 |  上圖左起：千玗嬉、羅美蘭 下圖左起：孔孝真、金泰璃 |
