熊黛林(Lynn)同坐擁家族百億資產、郭可盈胞弟郭可頌結婚一年幾，就成功造人，本報月初獨家爆Lynn陀B三個月，已勤力睇育嬰書(新聞連結：http://bit.ly/2jtWZb0)
。之後，Lynn就喺微博承認有喜一事。
今日有讀者見到Lynn同老公喺機場出現，當時大概下午12點，佢哋兩公婆喺櫃位check in，Lynn就着住一身黑色衛衣同長裙波鞋，郭可頌都係一身黑色運動裝束，兩公婆都係戴住黑超。讀者透露當時情況：「佢喺大肚婆，都自己拎行李上行李帶check in，之後就繞住老公手入閘。」原來佢哋目的地係台北。抵達台北後，兩公婆就排隊過海關，由於人比較多，讀者話郭可頌就非常體貼，全程拖實老婆，好似新婚咁sweet。
而Lynn自己都有貼selfie相上微博，仲留言：「像小孩子去秋游一樣，好開心！好興奮吖！」不過就只有獨照，未有分享兩公婆合照。
雖然Lynn粗身大細不過都仲係咁鍾意食辣，去到當地Lynn同老公先去嘆麻辣火鍋做晚餐，佢仲post埋上IG兼打卡，兩公婆大方咁坐喺店內的散客區，沒有特別遮掩，唔怕畀人認出。食完嘢，佢哋繼續行程，搭車去到下一站，仲要係勁多人嘅觀光景點饒河夜市，Lynn仲買咗大肚婆鍾意食嘅蜜餞。
 |  Lynn同老公今日喺機場現身，原來佢哋去台北旅行。 |  |
 Lynn雖然身穿黑色衛衣，不過仍然見到佢肚凸凸。 |  去到台北，佢哋第一站去食麻辣火鍋做晚餐。(台灣《蘋果日報》圖片) |  (台灣《蘋果日報》圖片) |
 (台灣《蘋果日報》圖片) |  (台灣《蘋果日報》圖片) |  之後仲去咗饒河夜市。(台灣《蘋果日報》圖片) |
 (台灣《蘋果日報》圖片) |
