國年度樂壇盛事《MAMA音樂頒獎禮》，今年分三地舉行舉辦為期一星期嘅慶典活動，今晚就壓軸喺香港亞博館舉行。頒發完最佳音樂錄影帶，GOT7、樂隊Day6、NCT 127出場表演。Red Velvet成員瑟琪與NCT 127成員泰容跳完雙人舞後，孖隊友表演新歌《Peek a boo》。


之後權律及金材昱頒發最佳歌唱表演（女歌手），由Heize獲得，係佢今晚第2個獎，泰民就獲得最佳舞蹈表演Solo。


播出人氣劇集《鬼怪》片後，隨後昭宥現身獻唱《鬼怪》Ost歌曲《Miss you》，EXO成員燦烈以陰間使者Look現身，孖昭宥合唱《鬼怪》OST《Stay with me》，繼續《鬼怪》OST組曲，Aliee獻唱《如初雪般走向你》。


王祖藍與趙寶兒頒最佳女子團體獎，王祖藍仲話鍾意TWICE，小跳《Signal》，影到BTS喺台下笑死咗，隨後鄭世雲以組曲唱出後補歌曲，令粉絲驚喜，獎項由Red Velvet獲得。