周慧敏（Vivian）、葉家寶、司徒永富今日喺香港大球場出席一年一度嘅「香港福音盛會2017」，周慧敏話：「今日同聽日我都會出現，分享自己見證，我係第一次出席咁大型佈道會，今日係分享自己有信仰之後嘅變化，聽日會講媽咪離開世界時候發生amazing嘅事，今晚唔會喊，但係聽晚講媽咪就唔知，唔知會唔會喊。」Vivian信主8年，佢話：「準備好為神做見證，每年都會寫一份見證，每年都唔同，有唔同事態發展，今晚會唱一首歌，自己寫，係三年前出神音專輯，自己作嘅一首歌，睇完聖經之後對於普世價值觀，覺得自己肯放下，唔係靠自己力量，背後有靠神。」
