台灣天王周杰倫(周董)同昆凌結婚3年幾，先後育有2歲嘅愛女小周周(Hathaway)及5個月嘅囝囝Romeo，而周董一直以來都好保護呢對仔女，兩歲嘅囡囡Hathaway，從來未有正面曝過光，但噚晚周董竟然將小周周嘅正面影片，上載到ig同大家分享。


影片入面，雖然周董加咗工，幫小周周載咗墨鏡同cap，但佢嘅萌樣依然吸引到好多fans嘅注意。當時小周周聽住《土耳其冰淇淋》，萌喊住老竇周董嘅口頭禪「哎喲不錯喔」，嘩小周周隨住音樂感咁開心搖擺，超可愛之餘，你都唔可以唔驚訝，一個兩歲嘅BB會有咁強嘅音樂感。


而老竇周董就留言話：「有其父必有其女，你的律動真有喜感，只好分享給大家了... 以後長大別罵我喔」，好多網民見到都忍唔住留言：「太可愛了吧」、「小周周有潛力，律動節奏超強」。



萌爆嘅小周周喊住老竇周董嘅口頭禪「哎喲不錯喔」。(ig截圖)

周董同老婆昆凌(ig圖片)

台灣天王周杰倫(周董)同昆凌結婚3年幾，先後育有2歲嘅愛女小周周(Hathaway)及5個月嘅囝囝Romeo，而周董一直以來都好保護呢對仔女，兩歲嘅囡囡Hathaway，從來未有正面曝過光，但噚晚周董竟然將小周周嘅正面影片，上載到ig同大家分享。