美國天后Pink最近受訪，指自己以「性別中立」（gender-neutral）嚟教育自己兩個仔女，並指唔想佢哋嘅被標籤。Pink同電單車手老公Carey Hart育有一子一女，分別係6歲大嘅女Willow同11個月大嘅仔Jameson，不過佢話自己係以「性別中立」教育佢哋，仲分享到囡囡嘅故事：「上星期Willow同我講，佢想同一個非洲女人結婚，我就話，好喎，咁你可唔可以教我整非洲嘢食？佢就話，當然可以啦媽媽，我哋預備好間屋之後就會同你一齊住。」Pink又指佢哋係「無標籤家庭」，大家都唔需要跟隨傳統性別角色去做任何事。