韓國女神全智賢今年6月宣佈再度懷孕，預產期係下月嘅佢現時甚少現身公開活動，專心安胎，不過原來上周女神跟老公崔俊赫秘密來港，二人上周五於中環行街時就被網民捕獲。
網民於微博公開全智賢跟老公現身中環嘅背影照，留言指全智賢素顏都咁靚，當日全智賢跟老公都冇戴口罩，不過就戴上帽遮樣。當日大肚嘅全智賢以全黑造型配波鞋示人，手腿望落仲係好纖瘦，全智賢更蹺實老公，非常恩愛。
另外有網民表示當日於茶餐廳捕獲全智賢及崔俊赫，指全智賢個肚已經好大。
 全智賢下月就生得，不過手腿望落仲係好纖瘦。 |  全智賢跟老公最愛去旅行拍拖 |  |
 |
