「殺青
暫告演員生涯
承蒙錯愛
江湖再見」
41歲嘅舒淇，晚上在社文網宣佈要息影？？「暫告演員生涯」，仲唔係息影？
網民即是議論紛紛——今午先嚟FisherMan Lok突然報喜宣佈結婚，晚上輪到舒淇話息影，唔通真係造人成功，有咗BB？
其實舒淇同馮德倫一早都有為生小孩做準備，包括戒煙，如果能順利懷孕，舒淇會停工好好安胎，不過至今還未有好消息公佈。依家…唔通？
消息一出，嚇壞唔少fans，大家紛紛留言問發生咩事，但亦有人支持佢嘅決定，指舒淇係休息一下，係為咗未來行更長嘅路；另有人估佢有咗，仲問係小馮德倫定小舒淇。
《蘋果》馬上向舒淇求證，其經理人就話啱啱問咗舒淇，舒淇嘅解釋係「唔係退出，只係等下部片約」。亦有消息指，舒淇稍後會接拍一套大陸片，咁即係…
至於馮德倫IG就未有更新，佢最新個POST已經係五日前，影隻貓，咩都冇講。家陣佢身在愛爾蘭拍美劇，忙到冇時間陪老婆，所以舒淇依家「宣佈暫告演員生涯」之後，就會飛過去探老公喇。
咁即係點？過一兩個月咪知囉…溫馨回帶，去年底舒淇喺活動上，被問到明年嘅工作計劃，突然語出驚人「其實我一直很想退休」，隨後又解釋「暫時退，就是不演戲，但就還沒有完全決定」，還打趣說唔演戲就可以好好生小孩。當全球都以為佢想息影時，舒淇曾發文澄清：「休息跟退休是兩回事兒。」
總之一班愛佢嘅影迷就快俾舒淇語出驚人嚇到有心臟病喇！
舒淇今日回應話：「其實我只是暫休，不是退休。電影剛殺青，醫生已警告要休息不能一直拍戲，臉一直過敏紅腫好不了，我要努力把這毛病醫好，謝謝關心！請大家不要想太多！」
