張文慈（Pinky）、黃智雯、狄波拉同老公鬍鬚Kong、名模Rosemary、Ana R.等，今日喺尖沙嘴出席餐廳開幕，Pinky曾經喺台灣投資餐廳，但自己冇時間打理，所以交畀家姐，仲話已經賺緊錢。
講到最近麥明詩自揭曾遭性侵（新聞連結：http://bit.ly/2AL0zrK
），喺17歲時曾遭不幸嘅Pinky話唔開心嘅事已經過去，佢仲好正面咁鼓勵對方話：「我知道呂小姐（欄后呂麗瑤）嗰件事，但係冇深入去睇。我覺得真係要搵信任嘅人講畀佢哋聽，唔係會有更多受害者。」
另外，黃智雯以bra top配外套性感現身，佢話：「都凍凍哋，趁天氣未係好凍性感少少，都係要靚為主。性感都唔會同酬勞掛鈎嘅，一切都以靚為主，每次活動都想扮靚啲。」
 （攝影：林賓尼） |  Pinky話自己投資咗餐廳，但打理就交俾家姐。 |  黃智雯趁住唔係好凍，性感一下。 |
 狄波拉同老公鬍鬚Kong |  Rosemary（中）、Ana R.（左） |
