流天王Rain今年1月跟金泰希結婚，早前老婆平安誕下小公主，二人榮升父母，而Rain近期亦忙於賺奶粉錢，更飛到台灣拍攝節目《團結才能火》。不過去台灣拍攝時，Rain就唔見咗個袋，連屋企鎖匙都唔見埋。
將於今晚播出嘅節目中，將公開Rain大頭蝦嘅一面。當日Rain跟隨節目成員去台灣旅行，不過期間Rain將放有重要嘢嘅袋漏咗喺火車上，當Rain意識到唔見咗個袋時，佢已經喺旅遊巴上。Rain非常着急地表示:「出大事啦，個袋入面有車匙同新屋鎖匙。」Rain又向工作人員求救:「重要嘅嘢太多啦，有冇可以搵返嘅方法呢？」未知Rain之後搵唔搵得返啲鎖匙呢?
