無綫電視頒獎禮今日公佈最佳男配提名名單，出席有黎諾㦤、吳岱融、何廣沛、吳業坤、張達倫、黃子恆、謝東閔、歐瑞偉、何遠東及胡鴻鈞。
主持先問黎諾㦤憑《不懂撒嬌的女人》嘅賤Man一角入圍，黎諾㦤笑言：「今次呢個角色好難演，因為角色性格同我真實性格好唔同。」台下啲即大叫係一樣，黎諾㦤又笑笑口：「唔係!邊係呀!不過我覺得今日拍呢套劇真係想攞獎，因為今次呢個角色真係摸過晒全部女仔，好似高Ling、譚凱琪。」
輪到下一個講就係「鷲哥」吳岱融，吳岱融即問佢真唔真呀，黎諾㦤有啲尷尬話係，吳岱融坦言離開TVB廿幾年，今次憑《乘勝狙擊》獲提名都覺得好開心。
何廣沛則多謝演到《親親我好媽》嘅Hayden一角，做番一個中學生，亦好多謝拍檔江嘉敏；至於吳業坤憑《迷》獲提名：「其實戲份90%對白係由阿田講晒，我只係負責跌落街。」佢話自己會投票俾田蕊妮。
張達倫帶點平常心，憑《不懂撒嬌的女人》Oscar一角獲提名已好滿足，又幫《不》有份入圍嘅人拉票，佢話自己就會投俾譚凱琪，佢話：「我會好似Oscar咁，咩都俾晒阿Anna。
演《降魔的》做「龍貓」嘅何遠東，喺劇中超水準演出，佢同馬國明一段對手戲，令觀眾相當感動，何遠東直言知自己獲提名都唔敢信係真，當收到公司電話先知原來係真，佢心情好緊張，喺公司就快十年，一直都係睇頒獎禮，今次終於有份參加，佢多謝服務設計部門，俾咗一件白色背心底衫俾佢，佢笑言喺劇演出，每個着白色背心底衫嘅演員都會掂，佢仲拉高咗件衫，露出白色底衫出嚟，佢話自己手上一票會俾同劇嘅馬明。
此外，同劇胡鴻鈞演《降魔的》石敢當，胡鴻鈞無啦啦話：「我本身諗住有份提名拎男女配角，因為佢喺劇中係精靈，精靈係冇性別。」未知係唔係言論太跳脫，現場嘅人都俾唔到反應，胡鴻鈞仲要講咗兩次，主持忍唔住開佢係唔係對公司有啲不滿?胡鴻鈞先話：「唔係，係有啲失望。」講到提名視帝呢一票，佢坦言投俾馬明，至於，視后呢一票，佢話會投俾同馬明有關嘅人。
現場啲人就起哄問係投俾黃智雯定係馬明女友黃心穎?
提名名單
洪永城《味想天開》
黎耀祥《財神駕到》
黃智賢《親親我好媽》
羅嘉良《與諜同謀》
張兆輝《全職沒女》
林文龍《不懂撒嬌的女人》
王浩信《踩過界》
曹永廉《超時空男臣》
蕭正楠《超時空男臣》
陳展鵬《同盟》
黎諾懿《燦爛的外母》
周柏豪《使徒行者2》
苗僑偉《使徒行者2》
袁偉豪《使徒行者2》
郭晉安《老表，畢業喇！》
馬國明《降魔的》
歐陽震華《誇世代》
陳豪《誇世代》
夏雨《溏心風暴3》
黃宗澤《溏心風暴3》
 胡鴻鈞、吳業坤、黃子恆同謝東閔有份提名配角。 |  何遠東話白色tee為佢帶嚟好運。 |  |
