二屆澳門國際影展今日喺澳門文化中心舉行開幕禮，兩位人妻楊千嬅同陳茵媺(Aimee)均穿上紅色裝束示人。茵媺着上一條連身褲，胸口位開咗個V字領，比起千嬅嘅Tube Dress更有睇頭。
陳茵媺受訪問時表示天氣唔算太冷，佢話:「今次係復出後第一部電影《某月某日》行紅地毯，心情好興奮。套衫係老公(陳豪)揀嘅，所以一定過關。」被問到瘦咗很多，佢笑言目前已可穿回未生小朋友時嘅衣服，佢話:「想回復返狀態先全面復工，希望以電影同廣告為主，電視劇太花時間，拍電影可以多啲時間陪小朋友。」有冇諗過同小朋友一齊參加大陸真人騷？佢話：「有傾過，但推咗。因為佢哋仲細，想佢哋做返正常小朋友。」
而楊千嬅則以明星大使身份出席，佢透露最近忙於為演唱會練習，佢話：「仲差5、6磅，《春嬌救志明》暫時成為今年華語票房冠軍，當然開心，呢個係好好嘅結局。」對於「志明」結婚了，「春嬌」話一直都知余文樂一直好想有家庭同小朋友，希望對方可以好好享受，佢話：「唔知樂仔係咪雙喜臨門，點都好快啲追一個。春嬌志明第二集生仔，第三集樂仔結婚。」
更多
 陳茵媺同楊千嬅兩位人妻，今晚現身澳門行紅地毯。(攝影﹕曾小嘉) |  |  茵媺話套衫係老公陳豪幫手揀，所以唔驚太性感會畀老公話。 |
 |  |  千嬅就恭喜余文樂，希望佢快啲生番個小朋友。 |
