黎瑞恩、胡渭康等今晚去到將軍澳擔任《流行經典50年之永遠的梅艷芳》錄影嘉賓。
擔任節目主持嘅薛家燕話最近節目獲得添食，可以再拍多十集，仲會集集都有唔同主題，講到今日以一代天后梅姐做主題，家燕姐就表示自己一路睇住梅姐由出道到變成樂壇天后，當中嘅努力同表現都好好，對於佢最終不敵子宮頸癌表示可惜。
而擔任嘉賓嘅黎瑞恩就話自己出道嗰時冇乜機會正面接觸梅姐，不過一向都知對方好有巨星風範，仲話o依家睇番以前梅姐嘅片段，更加覺得佢係義氣仔女，好值得學習。
臨近聖誕節，黎瑞恩就表示遲啲會陪囡囡去韓國學韓文，佢話阿女自幼好有語言天賦，學校仲有教日文，而泰國同學仔仲會教阿女泰文，覺得阿女有機會接觸唔同嘅語言同文化好幸福。
 黎瑞恩、胡渭康等今晚去到將軍澳擔任《流行經典50年之永遠的梅艷芳》錄影嘉賓。 |  擔任節目主持嘅薛家燕話最近節目獲得添食，可以再拍多十集。 |  家燕姐就表示自己一路睇住梅姐由出道到變成樂壇天后，當中嘅努力同表現都好好，對於佢最終不敵子宮頸癌表示可惜。 |
 黎瑞恩就話自己出道嗰時冇乜機會正面接觸梅姐，不過一向都知對方好有巨星風範。 |
