曾演出韓劇《妻子的誘惑》嘅女星張瑞希，今年憑劇集《姐姐風采依舊》回歸公仔箱，近日更演出綜藝節目《Seoul Mate》，孖住外國朋友體驗生活。


而現年45歲、出道多年都甚少緋聞嘅張瑞希，近日受訪時難免會被問起感情、結婚嘅事。被問到有冇諗過結婚時，張瑞希笑言：「每次受訪都有好多人問呢個問題，目前未諗過呢個問題，而且可能單身太耐，我對依家嘅單身生活好滿意，亦好鍾意呢份自由。」不過張瑞希都表示：「成日聽已婚嘅人講透過婚姻生活體驗到其他幸福，假如有一日遇到令我心甘情願放棄自由嘅男人，我都會考慮結婚。」