憑《還珠格格》小燕子一角竄紅嘅大陸女星趙薇，08年下嫁富商黃有龍，兩人育有一女「小四月」。
婚後趙薇冇退出娛圈做少奶奶，拍戲之餘仲涉足股壇，曾經夥拍阿里巴巴創辦人馬雲一齊合組公司。不過，趙薇夫婦最近醜聞纏身，因為收購萬家文化期間涉及空殼交易，遭官方調查，最終被勒令禁入證券市場達5年。(相關新聞﹕http://bit.ly/2l1r864)
馬雲都要立即割席。(相關新聞﹕http://bit.ly/2iUZ3sw)
今年10月，市場就傳出趙薇老公將深井皇璧其中一個複式單位，以約4800萬元沽出，獲利1000萬元，記者連日追訪，發現佢哋一家人最近已經由深井搬到中半山豪宅，富貴生活似乎絲毫無損。而阿女「小四月」就轉讀黃竹坑一間國際學校，平日都係由司機同工人姐姐幫手接載返學放學。
不過，上周六(9號)該國際學校舉行聖誕聯歡會，趙薇雖然係影壇紅星，但都有抽空陪囡囡參予，享受親子樂。當日下午12點半，趙薇與囡囡帶埋工人姐姐及一名男助手一齊坐七人車返學校。今年7歲嘅「小四月」留咗一把長到差唔多及腰嘅頭髮，手腳纖瘦，當日見佢好興奮，一落車就跳跳紮。反而媽咪趙薇個樣好攰，披頭散髮好似冇梳過咁，趙薇全身黑色look，全程雙手插袋，仲戴住個黑色口罩，非常cool。
大約一小時後，趙薇同助手先行離開，見佢企喺門口等車期間，都不時皺著眉頭，個樣好愁咁，之後就由另一部七人車接載離開。翌日趙薇再與囡囡外出，在午飯前回家，但連日都未見老公黃有龍蹤影。
 (採訪、攝影：徐錦池、吳耀輝、孔志豪) |  平日都係由司機同工人姐姐幫手接載返學放學 |  今年7歲嘅「小四月」留咗一把長到差唔到到腰嘅頭髮 |
 |  趙薇同助手先行離開 |
