羅霖與「仁美清叙」主席程瑤早前一齊為美容品牌喺網上開live直播分享護膚心得，佢哋係91年同屆參選亞姐，大家都年過半百，但仍保養得宜，而且身形fit到爆。
程瑤與羅霖席更笑談當年參選時嘅往事，大爆羅霖唔止贏到選美冠軍，喺西班牙拍攝期間更贏出拗手瓜大賽，被封「女大力士」。程瑤話﹕「拍攝等候埋位時，一班女仔就諗咗一個遊戲打發時間，舉行咗拗手瓜大賽，當時大家都睇好王瑋，估唔到會輸畀羅霖。」羅霖尷尬一笑話：「係咪看不出我咁大力呢？當時贏咗連現場工作人員都好愕然，大家都覺得我生人物近，可能怕被我整傷佢哋，不過嗰次之後，就冇再同人拗手瓜喇。」程瑤話︰「我建議可以再搞一場拗手瓜大賽，畀機會王瑋復仇，睇下羅霖仲係咪keep住咁大力。」
 |  |  王瑋咁高大，拗手瓜都輸畀羅霖。(資料圖片) |
