67歲嘅李司棋喺99年患上子宮頸癌，電療時出現骨枯情況，一度要用拐杖代步，不過最後喺司棋姐驚人嘅意志下，終於康復兼且復出，但係因為拍劇嘅工作太頻密，基本上一年司棋姐都會拍兩部劇，結果司棋姐喺14年決定離開，當時佢喺《蘋果》嘅專訪話：「我都冇諗過會離開，我真係好攰，希望有多啲時間休息，想活多幾年，人生有好多嘢，點解淨係對住個錢奔跑呢？」(新聞連結：http://bit.ly/2CfdTTn)
今年年初司棋姐仲喺劉家豪力邀下，同舊拍檔擋夏雨、米雪同關菊英再度合作拍《溏心風暴3》，不過咪睇司棋姐開工嗰陣好精神，查實佢嗰陣受到耳患困擾，左耳聽覺出現問題，聽力退化了四成，司棋姐話依然會樂觀面對。(新聞連結：http://bit.ly/2CfRsxs)
今日有周刊報道話司棋姐拍完《溏心3》之後元氣大傷，有意收山養病，所以近期佢除咗做宣傳活動之外，其餘時間都約埋啲朋友周圍去，加上佢喺香港同大陸都有物業，生活方面一啲都冇影響。報道仲話司棋姐嘅耳患嚴重咗，多咗啲蟲聲、風聲同洗衣機嘅轟轟聲。
司棋姐回應周刊時就話係一隻牛，多謝大家關心佢嘅身體健康，o依家因為戴咗耳機，所以聽嘢嘅情況好咗好多，目前冇食藥，呢個情況係唔會好番。司棋姐仲話自己長期睇中醫調理身體，亦會爭取時間休息，做人最緊要開心。
 司棋姐開咗ig，得閒會更新舊近況。(資料圖片) |  (資料圖片) |  司棋姐復出拍《溏心3》。(資料圖片) |
 司棋姐笑言自己係一隻牛。(資料圖片) |
