最近復出舉行演唱會兼開製作公司嘅黎瑞恩，今日佢突然喺fb留言兼貼相，見到小恩子著住手術袍兼戴埋帽，佢留言話：「嘩！唔知喺手術室開live會點呢？」
之後《蘋果》向小恩子了解情況，其公司發言人稱：「小恩子最近唔舒服，經醫生檢查發現腹部處有一個正在擴大的腫瘤，醫生建議趁腫瘤尚細，進行切除手術。今朝一早在醫院接受手術，手術非常順利，在腹部成功攞出一個小的腫瘤，小恩子依家休息中，多謝大家關心及慰問。」
其實喺前年，小恩子因為有時周身骨痛，個心又好抽搐，甚至吞嚥困難，於是接受身體驗查，發現原來胰臟生咗兩個良性嘅1.5cm瘤。
醫生表示瘤嘅位置好難割，故叮囑小恩子要樂觀啲，三個月就要去check吓；小恩子亦好正面去面對，覺得係個天叫佢要注意身體，佢仲話：「每日都當係最後一日，咁就唔會有遺憾，會過得開開心心。」(新聞連結：http://bit.ly/2C1VgBt)
小恩子透過發言人稱，今次手術與胰臟瘤無關，幸好皆屬良性：「冇關係呀，不過今次都應該係良性，為穩陣起見，切咗嘅腫瘤都拎咗去化驗，o依家要等化驗報告。」
 小恩子喺fb自爆要入院做手術。 |  小恩子將會喺明年開騷。 |  喺15年5月，小恩子發現胰臟腫瘤，當時佢好樂觀面對。 |
