賈曉晨（JJ）上月為老公樊少皇誕下囡囡「小飯兜」，話咁快囡囡已經一個月大喇！JJ噚日喺社交網上留言透露同囡囡開咗個滿月派對，場內佈置到好似動物園一樣，有長頸鹿、獅子、馬騮等得意動物同氣球，仲有一個寫上「飯兜 滿月快樂」字牌蛋糕。
樊少皇同JJ都好保護囡囡，未有正面曝光，只係隱約見到「小飯兜」戴住一個粉紅色嘅頭箍，好乖乖咁畀爸爸樊少皇抱在懷中，除咗一家三口合照，另一張相仲見到樊少皇望住囡囡深情嘅眼神作狀錫囡囡，大晒父愛。JJ留言﹕「今天小飯兜滿月了，希望寶貝你健康、平安、快樂。」JJ亦感激月子中心幫小飯兜安排Party，將佢哋照顧得好好。
 JJ囡囡「小飯兜」30日大，一家人為佢搞咗個滿月派對。 |  「力王」樊少皇情深錫咗囡囡一啖，好有父愛。 |  滿月派對以動物園做主題，好Cute呀。 |
 |  |  對鞋仔好靚靚。 |
