杜如風今日喺尖沙嘴出席時裝品牌宣傳活動，佢表示有份給予設計意見：「做衫方面有俾意見，其它產品係大會自己搞，我嘅專長其實係買嘢，自己都試過設計幾件衫同埋鞋，嚟緊想做一啲關於旅行貼心產品。」杜如風今個月要到日本關西拍攝旅遊節目，主要係拍攝當地新年，介紹吓啲新年習俗，同時向當地介紹中國過年特色，杜如風話：「我最怕就係凍，好唔想見到落雪，但係呢個節目喺新年推出，今次要過去拍攝買福袋嘅情況。」
杜如風之前帶過兩次團去日本，嚟緊聖誕有冇再開團？杜如風指縱橫遊之前被黑客入侵（新聞連結：http://bit.ly/2Ba1WBq
），仍忙於處理客戶資料，佢話：「要搞掂先開番，但唔影響我收入，我唔去仲好，如果去買得仲多。」
