現年40歲嘅Patrick Sir，原名林溥來，係香港通識科及英文科補習教師，後來開辦補習社。除咗作育英才，佢更有兼職拍廣告，直至09年，Patrick Sir收到大台邀請，擔任收費台兒童台節目《通識通通識》嘅顧問，又參與《放學ICU》環節「Patrick Sir英語通通識」等節目演出，現為《東張西望》以及《Think Big天地》主持。
Patrick Sir有外形，又係籃球健將，加上做教書，斯斯文文咁，表面條件的確係筍盤嚟嘅，但佢嘅緋聞唔算多，除咗未來老婆關宛珊之外，就曾經同佢個節目拍檔何傲芝拍過拖，何傲芝因借用舊愛Patrick Sir座駕，發生交通意外而令兩人段過氣戀情曝光。
 |  Patrick Sir（右）參演過唔少節目，學術嘅定兒童節目都有。 |  Patrick Sir同何傲芝因合演而拍拖，但好快就散咗。 |
 Patrick Sir後來同關宛珊（左二）蜜運 |  後來Patrick Sir仲踩入《東張西望》做主持 |  Patrick Sir（左三）坐穩《東張》主持之一，曝光率唔低。 |
