36歲日本女星柴咲幸為NHK大河劇《女城主直虎》幾乎忙足一年，可惜劇集收視欠佳，大結局都只收12.5%，全套平均收視低於12%，成史上最差收視大河劇嘅第二位。
其實，柴咲幸早前已踩入商界做女強人，確定擔任IT企業「LES TROIS GRACES」公司嘅CEO。據知柴咲幸呢間公司於去年11月成立，而公司到今年9月底已有1.69億日圓（約1,166萬港元）資金，今後將以股票上市為目標，佢本人擁有公司過半股份，曾經擔任過手機遊戲APP軟體公司社長嘅好友藪考樹，則有25.1%股份，藪考樹將從旁協助幸妹有關公司之營運發展。
近年幸妹積極物色結婚對象，加上已開埋公司鋪後路，難怪圈中盛傳佢有意淡出幕前。事實上，幸妹拍完《女城主直虎》已冇接其他工作，短期內將不會亮相螢光幕。
