林師傑、歐陽巧瑩、翟威廉、羅天宇、張寶欣等今日出席大台聖誕活動，以情侶檔現身嘅林師傑同歐陽巧瑩眨眼拍拖已3年，問到兩人打算點樣度過聖誕佳節，佢哋話其實有共識，唔會大肆慶祝，都係喺屋企玩吓煮飯仔，或者出街睇戲咁，以求慳錢。
林師傑更明言係想慳錢買樓結樓結婚，問到佢婚期定咗未？佢話未有確實日期，但就「越快越好」，因為好難得搵到自己嘅Miss Right。歐陽巧瑩聽到男友一番「愛的宣言」，唔單只非常開心，仲即場講「我願意」！而且佢話唔使男友搞花臣嚟求婚，反而會令自己好驚。
林師傑話雖然未有婚期，屋企人亦冇催婚，反而係老闆何哲圖催佢早日成家，仲叫佢如果無意結婚就唔好嘥對方啲時間。
 林師傑同歐陽巧瑩今日以情侶檔身份出席活動 |  |  林師傑希望盡快娶到歐陽巧瑩 |
 |  張寶欣今日24歲生日，獲現場人士為佢慶祝。 |
