陳柏宇今日在商台宣傳早前推出唱片，呢隻唱片早於十二月初佢演唱會之前推出，基於演唱會期，未係最適合時間做宣傳，依家再發力。陳柏宇話其中一首歌《閱後即焚》，係講有啲嘢要忘記，而陳柏宇為人都好善忘，連開心都好快唔記得。
陳柏宇直認同太太符曉薇一啲日子都忘記咗，仲呼寃：「點解呢啲事都放在男性身上，女仔都可以唔記得，次次到孭咗鑊時候先知。」陳柏宇曾經試過唔記得太太生日，事後花好多口水同功夫補鑊，佢話：「近排就好忙，冇乜時間激嬲老婆，佢都要自己選擇，想自己少啲工作舒服啲，定我多啲時間陪佢。」聖誕節陳柏宇講明唔會二人世界，全世界都慶祝緊無理由要兩個人收埋，單身嘅人先會覺得聖誕節係浪漫日子，仲話：「一年裏面咁多節日，除咗情人節百分百係要浪漫二人世界之外，其他大部分節日都應該大家一齊渡過。」
更多娛聞，喺晒《娛果》
